Cabezabote

Encántame ir ao cine, pero gastar seis euros por ver certas cousas… Esta finde tocou Jarhead (Cabezabote para os que sexan de Burgos), pensando eu que era unha peli antimilitarista desas de roxos esquerdistas radicais dos Estados Unidos (que nos chamaríamos centristas). Tardei media peli en comprender que realmente era todo o contrario. Resulta que o flime é unha relectura de A chaqueta metálica en clave moderna, cos xa habituais toques de videoclip, anuncio publicitario e verborrea. De paso, infiltrado, está a mensaxe: peor morrer vendendo crack que vivir unha guerra. Un par de críticas aquí e acolá o exército moderno, unha certa nostalxia do soldadiño de Vietnam e gusto pola imaxe infernal e apocalíptica. Basura ideolóxica.

« Presidente Honesto | Blog: Charanga Dorneira »