BlogBridge

Estou probando lectores de rss. Empregaba RssBandit, que permite ver todos os contidos xuntos nunha única tira, pero dende que o FTP do meu hosting gratuito non funciona non podo sincronizar os ordenadores.
A verdade é que é difícil atopar xestor que me convenza. Primeiro, porque preciso algo para facer lectura rapidísima a pesares de seguir ducias de sementes, segundo porque quero que funcione en windows e en linux, e terceiro porque non todos soportan sincronizar varios ordenadores. E non soporto os lectores web.
Buscando un pouco atopei Blogbridge, que permite eso e ademais ten un limpador de sementes caralludo (para borrar esas fontes que non publicaron nada nos últimos dous meses), un modo ben xeitoso para ver os rss que resulta moi útil para Flickr, e outras cousas ás que non lle atopo utilidade pero que non deixan de ser interesantes. Aquí van algunhas capturas.

BlogBridge configurado para ver só imaxes.

« Sangre traidora | 11 vivendas 11 »